ПРЕКУ НОЌ Џони Деп продаде колекција портрети за 3,5 милиони евра (ФОТО)
Сите 780 дела беа продадени за само неколку часа, по цени кои се движеа од 4.000 долари за индивидуални слики до 16.000 долари за колекција.
Џони Деп заработи околу 3,5 милиони евра само неколку часа откако објави продажба на своите слики на Инстаграм.
Холивудскиот актер денеска објави дека својата дебитантска колекција „Пријатели и херои“ ќе ја пушти во продажба преку лондонската галерија „Castle Fine Art“.
Сликите се посветени на луѓето кои најмногу го инспирирале во неговата кариера: гитаристот на „Ролинг стоунс“, Кит Ричардс, оскаровецот Ал Пачино, иконскиот пејач и текстописец Боб Дилан и дивата од златното доба на Холивуд Елизабет Тејлор.
Сите 780 дела беа продадени за само неколку часа, по цени кои се движеа од 4.000 долари за индивидуални слики до 16.000 долари за колекција.
View this post on Instagram
„Отсекогаш сум ја користел уметноста за да ги изразам моите чувства, да размислувам и да им се оддолжам на оние кои ми значат – семејството, пријателите и луѓето на кои им се восхитувам“, истакна актерот.
Како што вели, сликите секогаш го опкружувале, но тој ги чувал за себе.
„Никој никогаш не треба да се ограничува“, рече Деп.
ФОТО: Инстаграм