ПРЕДНОВОГОДИШНА РАЦИЈА ВО ШТИП Кај 41-годишен штипјанец пронајдена дрога и пиштоли
При претрес во домот на приведениот штипјанец биле пронајдени и одземени бела грутчеста материја, пиштол „Пјетро Берета" со рамка со осум куршуми, 83 куршуми различен калибар, дигитална вага и други предмети со остатоци од бела грутчеста материја.
Во полициска акција во Штив уапсен е 41-годишен штипјанец кај кого при претресот на возилото и на канцеларијата била пронајдена дрога, а во неговиот дом запленето е оружје и муниција.
„На 30.12.2023 околу 19.15 часот во Штип, полициски службеници од Отсекот за недозволена трговија со дрога и оружје при СВР Штип го лишиле од слобода М.С.(41) од Штип. При претрес, извршен со судска наредба, во неговото возило и во канцеларијата што ја користи, во неговото возило биле пронајдени и одземени бела грутчеста материја и предмети со остатоци од бела грутчеста материја. Подоцна, при претрес во неговиот дом, извршен, исто така, со судска наредба, биле пронајдени и одземени бела грутчеста материја, пиштол „Пјетро Берета” со рамка со осум куршуми, 83 куршуми различен калибар, дигитална вага и други предмети со остатоци од бела грутчеста материја. Лицето било задржано во полициска станица и за настанот бил известен јавен обвинител. По целосно документирање на случајот, во координација со јавен обвинител, против М.С. ќе биде поднесена соодветна пријава“ – стои во известувањето од МВР.