📽️ ПОЖАР ГО ПРОГОЛТА ТЕАТАРОТ „САНАЦАРО“ Огнот уништи културен симбол стар повеќе од 150 години

Голем пожар утрово околу 6 часот го зафати и целосно го уништи историскиот театар „Санацаро“ во Неапол, во централниот округ Кјаја, јави италијанската агенција АНСА.

Пламените јазици брзо се прошириле, а покривот на објектот се урнал. Од безбедносни причини евакуирани биле сите станбени згради во непосредна близина. Четири лица се пренесени во болница поради респираторни проблеми предизвикани од чадот.

In fiamme il teatro Sannazzaro, paura tra i residenti della zona

‘Siamo svegli dalle cinque, c’è una nube impressionante’

(ANSA) – NAPOLI, 17 FEB – Le fiamme, alte, il fumo denso. Paura tra i residenti della centralissima via Chiaia. pic.twitter.com/wTeXSawHCt

— Francesco Borrelli (@NotizieFrance) February 17, 2026

На терен интервенирале шест противпожарни возила, а екипите со часови се бореле со огнот за да спречат негово проширување.

🔥Incendio al Teatro Sannazaro di Napoli.

Coinvolte anche abitazioni vicine, da cui é in corso l’evacuazione dei residenti. In corso operazioni di 5 squadre dei Vigili del Fuoco. Foto di Tommaso Ederoclite. pic.twitter.com/yDELngQzv1

— Italia 24H Live 🔴 – Notizie dall’Italia (@Italia24HLive) February 17, 2026

Првичните информации упатуваат дека пожарот можеби бил предизвикан од краток спој, но точните причини сè уште се утврдуваат.

Театарот „Санацаро“ бил отворен во 1874 година и уште од своите почетоци бил симбол на неаполската комедија и популарниот театар. Во текот на 20 век минувал низ периоди на подем и криза, а бил оштетен и за време на Втората светска војна. Подоцна бил реновиран и повторно ставен во функција, задржувајќи го своето место во културниот живот на градот.

Со денешниот пожар, Неапол остана без уште едно значајно културно обележје.