🎥 ПОТРЕСНА ИСПОВЕД НА ДЕВОЈКА РОДЕНА ВО ПОЛИГАМИСТИЧКИ КУЛТ По 19 години успеала да побегне од затворениот свет
Девојката во својата исповед открива како се соочила со екстремните правила на групата во која припаѓала, како и колку копнеела по животот за кој знаела дека постои надвор од нејзиното семејство.
Јоланда е девојка која на 19 години избегала од полигамистички култ, а во своите видеа на ТикТок објаснува како живеела и како дошло до тоа да биде во култ.
– Роден сум во полигамистички култ и ова е мојата приказна. Се започна со баба ми. Таа живеела во Сан Франциско кога мисионери од ЛДС мормоните тропнале на нејзината врата. Таа ги пуштила да влезат и на крајот се приклучила на ЛДС. Таа потоа се преселила во Солт Лејк Сити и почнала да работи во храмот. Верувам дека таму запознала еден од мажите од култот во кој сум родена. Потоа се преселила во градот каде што е родена мајка ми, а потоа и јас – ја започнала својата приказна Јоланда.
Младата девојка потоа раскажува за нејзините родители и за правилата и ограничувањата во затворениот свет на култот.
– Потоа мајка ми се омажи за татко ми. Таа беше втора сопруга на татко ми. Тој веќе имаше претходна сопруга и тие имаа деца. Така таа беше неговата втора сопруга и имаше девет деца со него. На татко ми поради грешка му го одзедоа семејството и ја мајка ми ја испратија да живее со друг маж кој исто така имаше друга жена и деца во тоа време. Со тоа семејство растев до својата 19 година – раскажува Јоланда.
Животот на Јоланда е сосема поинаков од животот на една просечна тинејџерка. Бидејќи е родена и израсната во семејство кое припаѓа на религиозната секта на Фундаменталистичката црква на Исус Христос на светиите од подоцнежните дни, таа живеела под сосема различни правила од членовите на нејзината генерација. Девојката во својата исповед открива како се соочила со екстремните правила на групата во која припаѓала, како и колку копнеела по животот за кој знаела дека постои надвор од нејзиното семејство.
Таа морала да почитува посебен кодекс на облекување, кој значел носење облека што го покрива целото тело и каде што се гледаат само лицето, рацете и стапалата.
– Не ни беше дозволено да носиме ништо што ќе го привлече спротивниот пол. Не ни беше дозволено да ја стрижеме косата, да користиме Интернет или ТВ, во основа ништо од забавна природа – изјавила Јоланда.
Во една од своите објави, која собра 2,9 милиони лајкови, Јоланда ја покажа целосната трансформација низ која поминала, но и нејзиниот нов живот, преку патувањата, носењето костими за капење како нејзините врсници, како и атрактивна облека во која изгледа убаво и модерно. Во видеото на кое се гледа нејзината промена, таа им открила на шминкерите дека никогаш не се шминкала и дека само повремено ставала маскара.
Јоланда во едно познато американско реално шоу „Лајфтајм“ откри и со што се соочила во претходниот живот, нагласувајќи дека повеќе не можела да го издржи притисокот и потоа побегнала. Сепак, таа нагласи дека е тажна поради тоа што повеќе нема да се гледа со семејството, ниту пак да може да разговара со нив.