ПОСЛЕ ВАКВИ ЛИКВИДАЦИИ, СПАСОВСКИ ТРЕБА ДА СИ ДАДЕ ОСТАВКА! Стоилковски од ВМРО-ДПМНЕ за безбедноста во земјава

Брутална двојна ликвидација се случи во полн локал, на 500 метри од владата и плоштад Македонија, на 300 метри од полициска станица. Македонија и Скопје со Оливер Спасовски се претворија во небезбедно место каде што убијци си дозволуваат вооружени до заби да дојдат и убиваат, а СДС со Спасовски МВР го претворија во мафијашка подружница за издавање пасоши – рече Наум Стоилковски, портпарол на ВМРО-ДПМНЕ, одговарајќи на прес конференција НА новинарско прашање во врска со двојното убиство во скопската чаршија.

Тој посочи дека осма година по ред убијци, дилери и насилници излегуваат од затвор кога сакаат.

– Цела година помина со секојдневни закани за терористички бомбашки напади во училишта, трговски центри и институции. Ниту еден случај не е решен со вистински одговори. И никој не одговара, никој не понесе одговорност за небезбедноста во Македонија, особено не Оливер Спасовски. Спасовски ја претвори државата во мафијашки рај, каде царува криминалот, а полицијата се удира во пајаци – рече Стоилковски.

Стоилковски обвини дека полициските единици му служат на Спасовски само за заштита на СДСМ од народот.

– Ова е опасно, срамно, жално, а народот тоа не го заслужил! Спасовски, оди си! – рече Стоилковски.