ПОРАНЕШЕН ГРАДОНАЧАЛНИК НА ПЕТРОВЕЦ СИ ГО ПРОБОДЕЛ СИНОТ СО НОЖ Момчето со две убодни рани било пренесено во болница

Поранешниот градоначалник на Општина Петровец од редовите на СДСМ и вработен во Бирото за јавна безбедност во Министерството за внатрешни работи (МВР), Звонко Цветковски, вчера со две убодни рани со нож си го повредил 22-годишниот син Ј.Ц.

Инцидентот се случил во скопското село Ржаничино, а пред да заигра ножот, таткото и синот воделе кратка расправија.

Од Министерството за внатрешни работи го потврдија инцидентот и оттаму велат дека се преземаат мерки за целосно расчистување на случајот.

Момчето веднаш било однесено во Клиничкиот центар „Мајка Тереза“, а за инцидентот било известено и Основното јавно обвинителство.