ПОНУДАТА БИЛА СПИСОК НА ЖЕЛБИ ОД АЛИЈАНСА!? Според Ковачевски, не е доставен никаков предлог до Таравари
Таа соработка треба да се направи врз основа на две претпоставки. Првата е програмско-политички и втората е кадровска, и за такви сè уште нема конкретни разговори - изјави денеска Ковачевски.
Премиерот Димитар Ковачевски денеска изјави дека сè уште немало конкретни разговори со Алијансата за Албанците за програма за соработка и за кадровски прашања.
– Кога зборуваме за Алијансата за Албанците, тогаш треба да кажеме дека таа соработка треба да се направи врз основа на две претпоставки. Првата е програмско-политички и втората е кадровска, и за такви сè уште нема конкретни разговори – изјави денеска Ковачевски за врeме на посета на Преспа.
Порталот Тетовасот, повикувајќи се на извори во Алијанса на Албанците, објави дека партијата добила понуда од коалицијата СДСМ-ДУИ за тоа кои министерски и директорски места ќе ги добие, доколку реши да влезе во Владата. Според изворите на порталот, АА би ги добила ресорите здравсто и правда, доколку во коалицијата остане Алтернатива, а дополнително и Министерството за информатичко општество, доколку оваа партија реши да истапи од владината коалиција.
Ковачевски ги повтори ставот дека, според него, во државата има два концепти – едниот е „концепт за европска Македонија”, односно продолжување на патот на преговори и зачленување на државата во ЕУ, а вториот, како што рече, е концептот на Левица и нивниот заложник ВМРО-ДПМНЕ против ЕУ и НАТО.
– За сите политички партии кои се за концептот за европска Македонија вратата е отворена – рече Ковачевски.