🎥 ПОЛИЦИЈАТА ГО УАПСИ ВОЗАЧОТ ШТО УДРИ 8-ГОДИШНО ДЕТЕ СО МОПЕД И ИЗБЕГА По брза постапка ќе добие кривична пријава
На детето му се констатирани повреди во Градската болница „Свети Наум Охридски“, соопшти полицијата.
Во врска со видеото кое беше објавено на социјалните мрежи на кое се гледа мопед како удира дете и го напушта местото на настанот, Министерството за внатрешни работи ја известува јавноста дека се преземени соодветни мерки и активности и возачот е пронајден.
„Против него ќе биде поднесена кривична пријава по брза постапка. Настанот се случил на 2.4.2025 во 14.05 часот на крстосницата на улиците Ферид Бајрам и Алпи во Скопје, кога мопед удрил 8-годишно дете и го напуштил местото на настанот. На детето му се констатирани телесни повреди во ГОБ Св. Наум Охридски“, соопшти полицијата.
По преземени мерки, полициски службеници од СВР Скопје го пронајдоа возачот Ч.Т. (63) од Скопје, се додава во соопштението.
„Против него ќе биде поднесена кривична пријава по член 297 од Кривиниот закон за загрозување на безбедноста на сообраќајот, член 297а за безобзирно возење и по член 301 за неукажување помош на лице повредено во сообраќајна незгода, по брза постапка“, соопшти полицијата.