„ПОКРОВСК Е ПРЕСМЕТАНА ЖРТВА“ Зеленски се коцка во Курск пред ноемвриските избори во САД, анализира Си-Ен-Ен
Аналитичарот на Си-Ен-Ен смета и дека Зеленски го прифатил ризикот во меѓувреме да падне градот Покровск, најголемиот град на два часа од Днипро. Покровск е пресметана жртва, се вели во текстот, но падот на градот може да ја смени засекогаш „формата“ на Украина.
Киев фрла сè што има на маса за да добие опипливи резултатие пред претседателските избори во САД во ноември, а изненадувачката окупација во регионот Курс сега се претвора од тампон зона во долгорочен проект. Ова се заклучоците на анализа на Ник Петон Волш за Си-Ен-Ен во врска со новите случувања во војната во Украина.
„Зеленски ја фрла коцката со едно око гледајќи кон изборите во САД“, гласи насловот. Но, храбриот потег на украинскиот претседател да премести 30.000 војници од фронтот во Украина во регионот Курск внатре во Русија има друштво, се вели во статијата и се потсетува дека во изминатите месеци Украина ја гаѓаше најдлабоката руска инсфраструктура по своја волја: од аеродроми и нафтени рафинерии до случајот со украинскиот дрон во Мурманск минатата среда, кога беспилотното летало се приближи до база на руски нуклеарни подморници во Арктикот.
Не е за изненадување што „тајниот“ план за победа кој Зеленски го претстави во вторникот вклучува интензивни напади со беспилотни летала, а можеби и користење оружје со поголем дострел доставено од САД.
Исто така, во текстот се прогнозира дека моќта на Киев во контролата врз небото ќе расте и со новопристигнатите борбени авиони Ф-16 на НАТО во Украина.
„Зеленски, исто така, не призна дека влијание има и уште една работа: новопристигнатите борбени авиони Ф-16 на НАТО, за кои тој многу јасно рече дека пресретнале руски ракети оваа недела“.
Но, зошто толку се чека на одговорот на Путин? „Кремљ го прави дебаклот во Курск како да е природна катастрофа, забележуваат некои аналитичари. Навивачкиот чад е нешто што локалните власти мора да го изгаснат, но Путин се чини дека може главно да го игнорира“, пишува Ник Петон Волш за Си-Ен-Ен.
Аналитичарот смета и дека Зеленски го прифатил ризикот во меѓувреме да падне градот Покровск, најголемиот град на два часа од Днипро. Медиумите пишуваа за можното руско освојување на градот поради тоа што голем дел од украинските војници отишле во Курск. Покровск е пресметана жртва, се вели во текстот, но падот на градот може да ја смени засекогаш „формата“ на Украина.
На Зеленски му треба „победа“, а ова може да му реши два проблеми: колебливоста на Западот да ѝ достави повеќе оружје на Украина, но и да го крене духот на украинските мажи кои одбиваат да војуваат во војната која Украина ја губи од ден во ден.
Зеленски и во следните недели ќе биде подготвен да трага по ранливата црвена линија на Москва за да го принуди Путин да попушта, се вели во анализата.
Во врска со можниот одговор на Путин, текстот вели дека моќта на рускиот лидер изгледа многу намалена. Но, тоа не го колеба Зеленски да продолжи. Тој знае дека ако Доналд Трамп стане американски претседател во ноември, шансите се големо тој да наметне непријатен мир меѓу Русија и Украина или пак, дека „единството на НАТО полека ќе се нагризува или дека ќе се бори да ги пополни сопствените ровови со спремни украински војници“.
Во меѓувреме, украинскиот врховен командант на војската Олександр Сирски изјави дека Путин веројатно ќе прати најмалку 30.000 војници за да го одбрани регионот Курск во својата држава.