Подигнато македонското знаме во Брисел, Столтенберг ни посака добредојде во НАТО

Со интонирање на македонската химна пред седиштето на НАТО во Брисел штотуку беше подигнато македонското знаме  и со тоа нашата земја стана 30 членка на Алијансата. На свеченоста добредојде во НАТО и посака генералниот секретар на Алијансата Јенс Столтенберг. Едновремено членовите на македонската влада преку видео врска го следеа подигнувањето на нашето знаме пред седиштето на НАТО во Брисел. По ова се интонираше и химната на НАТО.

– Денес сме овде за да и посакаме добредојде на Северна Македонија како 30 членка на НАТО. Ова е историски момент за Северна Македонија. Доаѓа по годиним посветенос. Пристапувањето кон НАТО го овозможи договорот од Преспа, вашата напорна работа го овозможи овој ден – рече меѓудругото  Столтенберг кој ја поздравуви и  одлуката на ЕУ за почеток на преговорите со Македонија.