ПОЧИНА САША ПОПОВИЌ Беше еден од највлијателните луѓе во српскиот шоу-бизнис

Саша Поповиќ, основач и креативен директор на „Гранд продукција“, еден од највлијателните луѓе во  српскиот шоу-бизнис, почина денеска по кратко и тешко боледување, објавија српските медиуми.

Роден е на 24 април 1954 година во Нови Сад.

„Со неискажлива тага ја известуваме јавноста дека денеска, по кратко и тешко боледување, почина Саша Поповиќ, основач и креативен директор на Гранд продукција. Александар Саша Поповиќ низ децениската работа беше визионер и посветен професионалец. Преку музиката и телевизијата, тој откри и поддржа бројни таленти, обликувајќи го звукот и духот на една ера“, соопштија од продукцијата.

Како млад имал голема љубов кон фудбалот, а извесен период тренираше во клубот Војводина.

Неговиот татко бил мултиинструменталист и пејач на Радио Војводина, поради што сакал неговиот наследник да влезе во светот на музиката и да почне да свири хармоника.

И покрај љубовта кон спортот, Саша Поповиќ во 1964 година татко му го запишал во музичко училиште, а останатото е историја.

Како коосновач на дискографската куќа „Гранд продукција“, Саша Поповиќ остави неизбришлива трага не само како музичар и водител, туку и како визионер и творец на многу идеи кои придонеле за развојот на музичката сцена на Балканот.

Автор е на еден од најгледаните музички натпревари во регионот, „Ѕвездите на Гранд“, преку кој денес откри многу одлични и успешни пејачи.

Многумина го паметат од периодот кога свиреше хармоника и беше дел од групата „Слатки грех“, но во светот на музиката влезе многу порано.

Во 1976 година го основа бендот „Лира шоу“, кој изведуваше народна музика. Бендот се засили кога им се придружи Лепа Брена како водечка пејачка.

После тоа, во 1982 година, групата го менува името во „Слатки грех“ и тргнува на турнеја низ поранешна Југославија, постигнувајќи голем успех.