ПОЧИНА ПЕЈАЧОТ МИТ ЛОФ Испеа една од најубавите балади во историјата

Американскиот пејач Мит Лоф почина на 74-годишна возраст, соопшти неговото семејство.

„Со скршени срца да соопштиме дека синоќа почина ненадминатиот Мит Лоф, а покрај него беше сопругата Дебора“, се наведува во соопштението објавено на официјалната фејсбук-страница на музичарот.

Неговиот албум „Bat Out Of Hell“ е еден од најпродаваните во историјата на музичката индустрија со продадени 100 милиони примероци.

Мит Лоуф, чие вистинско име е Мајкл Ли Едеј, имаше и актерска кариера – меѓу другото, тој се појави во филмовите „Fight Club“, „Rocky Horror Show“, „Focus“ и „Wayne’s World“.

„Ќерките Перл и Аманда, како и најблиските пријатели, беа покрај него во последните 24 часа“, се додава во соопштението.

„Знаеме колку тој значеше за многумина од вас и ги цениме вашите пораки на љубов и поддршка во време кога тагуваме за загубата на инспиративен уметник и прекрасен човек.“

Семејството побарало почитување на приватноста во наредниот период.

„Од неговото срце до вашите души… Никогаш не престанувајте да се лулате!“

Хитот од 1993 година, „I’d Do Anything For Love (But I Won’t Do That)“, му донесе на пејачот награда Греми.

Пред тоа, тој го играше Еди во хорор шоуто Роки во 1975 година.

Албумот „Bat Out Of Hell“ беше адаптиран и како театарски мјузикл, благодарение на Џим Стајнман, долгогодишен соработник на Мит Лоф.

ФОТО: Инстаграм