ПОЧИНА КИРСТИ ЕЛИ Ѕвездата на „Види кој зборува“
Кирсти почина на 71 година, по кратко боледување од рак, соопшти нејзиното семејство.
Почина актерката Кирсти Ели, најпозната по серијата филмови со Џон Траволта „Види кој зборува“ и хумористичната серија „Кафуле наздравје“. Кирсти почина на 71 година, по кратко боледување од рак, соопшти нејзиното семејство.
Кирсти играше и во сериите „Север и југ“ и „Последниот дон“, филмовите „Луда куќа“, „Село на проклетите“, „Пукај да убиеш“, „Ѕвездени патеки 3“, а се натпреваруваше и во „Танц со ѕвездите“ и беше второпласирана во 22-та сезона на „ВИП Големиот брат“ во Британија.
Таа беше член на Скиентолошката црква и се бореше со неколку приватни проблеми. Своевремено рекламираше контроверзни производи за слабеење, тврдејќи дека изгубила дури 45 килограми додека ги користела, поради што заврши и на суд. Кирсти се бореше и со зависноста од кокаин.
Двапати се мажеше и посвои две деца. Семејството потврди дека неодамна дознало дека таа боледува од рак и дека починала опкружена со своите најблиски.