По крикот на Ѓоковиќ се „тресеа“ празните трибини (ВИДЕО)

Тој беше екстра мотивиран на овој меч, кој се играше на третиот роденден на неговата ќерка Тара.

Од плусинфо Објавено 03/09/2020 14:57:05

Новак Ѓоковиќ ја оствари и втората победа на УС Опен, совладувајќи го Британецот Кајл Едмунд со 3-1 во сетови.

Аутсајдерот на овој меч успеа да му го одземе првиот тај-брејк на Србинот во 2020 година, но не сочува сили за целосно изненадување. Во наредните три сета беше целосно надигран и поразен во второто коло на турнирот во Њујорк.

Серијата без пораз на првиот светски ас беше потврдена со фантастична игра. Тој беше екстра мотивиран на овој меч, кој се играше на третиот роденден на неговата ќерка Тара. Потврда колку му значеше победата беше силниот крик по остварениот брејк во четвртиот сет со кој српскиот тенисер си го отвори патот кон победата.

Можеби ќе ве интересира