Пленковиќ негативен на тестот за ковид-19

Премиерот на Хрватска, Андреј Пленковиќ денеска се тестираше за присуство на коронавирусот и резултатот беше негативен, потврди вечерва Владата.

– Премиерот Андреј Пленковиќ денеска изврши тест за присуство на коронавирусот. Резултатот е негативен – рече портпаролот на владата, Марко Милиќ.

Премиерот Пленковиќ беше тестиран за присуство на коронавирусот, бидејќи тој вчера беше на средба со министерката Блаженка Дивјак, на која денес и беше изречена мерка за самоизолација.

Вчера Пленковиќ беше претседател на шестата седница на Националниот совет за воведување на еврото како официјална валута во Република Хрватска, а на состанокот учествуваше и министерката Блаженка Дивјак.

Пленковиќ беше тестиран, како што рече портпаролот на Владата во претходната изјава денес, со оглед на одговорната должност што ја извршува.

Наодот на министерот Дивјак е исто така негативен.