ПЛАТИТЕ ВО ЈАВНИОТ СЕКТОР ГО КРЕНАА ЗА 10,3% ГОДИШНИОТ ПРОСЕК Во август просечната нето плата изнесувала 45.310 денари

Во август 2025 година просечната месечна исплатена нето-плата изнесува 45.310 денари ( околу 737 евра) и е зголемена за 10,3% во однос на истиот месец лани, објави Државниот завод за статистика (ДЗС).

Ваквото зголемување, според статистика, се должи, пред сѐ, на зголемувањето на просечната месечна исплатена нето-плата по вработен во секторите: „дејности на здравствена и социјална заштита“ за 14,6%, „образование“ за 14,5% и „административни и помошни услужни дејности“ за 14,1%.

Зголемување на просечната месечна исплатена нето-плата по вработен, во однос на претходниот месец, е забележано во секторите: „уметност, забава и рекреација“ за 5,2%, „објекти за сместување и сервисни дејности со храна“ за 4,7 % и „рударство и вадење на камен“ за 4,5%.

Бруто-платата во август 2025 година изнесува 68.180 денари.