Пивоваров сведочи во „Таргет-Тврдина: Грујевски како мој студент ми призна дека ме прислушуваат
Владимир Пивоваров, поранешен разузнавач на судењето во случајот „Таргет-Тврдина“ рече дека неговиот телефонски број бил прислушкуван кога бил професор на два приватни универзитети.
Можеби ќе ве интересира
Во својот исказ Пивоваров рече дека поранешниот началник на Петтата управа, Горан Грујевски, кој во тоа време бил негов студент на постдипломски студии му признал дека се следи неговиот телефон.
– Го прашав отворено во мојот кабинет мојот тогашен студент Горан Грујевски кои се причините зошто го следат мојот мобилен телефон, на што ми одговори дека таа наредба е од повисоко. Го прашав дали додека јас ти бев шеф во военото разузнавање, ти побарав да следиш какви било комуникации без наредба, а тој ми рече -„јас сум благодарен што било така, но сега се изменија времињата –рече Пивоваров.