ПЕТТЕ НАЈТЕШКИ АВТОБУСКИ НЕСРЕЌИ ВО АМЕРИКА Откажани сопирачки, пијани возачи, ненадејни експлозии

Несреќите со автобуси ги има насекаде во светот, а причините се повторуваат: пијани или заморени возачи, несервисирани мотори и сопирачки, неподмачкани оски на тркалата, незаштитени резервоари за гориво … единствената разлика е што во некои од нив семејствата на загинатите ја добиле правдата и наплатиле милионски отштети, пишува КуперХарли.

Во многу од случаите патниците биле заспани, а сè се случувало пребрзо за да може да се реагира. Еве пет од најтешките автобуски несреќи во историјата на САД.

Откажани сопирачки во Калифорнија

Несреќата на училиштен автобус на 21 мај 1976 година во Калифорнија останува најсмртоносната автобуска несреќа во историјата на САД. Автобус се превртел на автопат надвор од рампата во Беј, кога му откажале сопирачките, како што се шпекулираше со нашиот „Дурмо Турс“. Несреќата однесе 29 животи, повеќето од нив средношколци.

Автобусот се спуштил повеќе од 22 метри по стрмна падина, целосно сплескувајќи се на земјата.

Пијан возач удрил во црква во Кентаки

Една од најтешките автобуски несреќи што се случила во поновата историја на САД не била предизвикана од грешка на возачот на автобусот, туку од пијан возач на погрешен правец. На 14 мај 1988 година, возач во погрешен правец удрил во црковен автобус во руралниот дел на Керолтон, Кентаки.

Автобусот се запалил при што голем дел од патниците изгореле. Вкупно 27 лица во автобусот го загубиле животот. Температурите се искачиле на 1.500 степени за 90 секунди. Незаштитениот резервоар за гориво на автобусот потоа пукнал и предизвика жесток пожар кој брзо го наполнил автобусот. Патниците не можеле да ги скршат стаклата и морале да излезат од задната врата за итен излез, која била блокирана од ладилниците.

Истрагата на државната полиција на Кентаки подоцна откри дека ниту еден од патниците не претрпел сериозни повреди во судирот. Трагично, ударот на несреќата предизвика заглавување на влезната врата на автобусот и патниците не можеле да избегаат.

Многумина од оние кои ги загубија животите спиеле по враќањето од забавниот парк Кингс Ајленд. Возачот ја преживеал несреќата. Возачот на пикап возел пијан во погрешна насока откако претходно во текот на ноќта соборил бројни пива и вотка.

 

32 years ago today (14 May 1988) the collision and subsequent fire involving a church #bus at Carrollton, #Kentucky was one of the most disastrous bus accidents in #US #history. For more: https://t.co/CMoxI6jM0I pic.twitter.com/8aIkttLxxg

— 365 Days of Motoring (@365daysmotoring) May 14, 2020

Ураган кутнал и запалил автобус во Тексас

На 23 септември 2005 година, автобус кој превезувал жители на старечки дом подалеку од брегот на Заливот и ураганот Рита се запалил и експлодирал додека бил заглавен на преполниот автопат јужно од Далас, при што загинале 23 луѓе.

Пожарот настанал поради недоволно подмачкување на задната оска, која се прегреала и предизвикала пожар во бунарот на тркалото на автобусот. Застарениот автобус се наполнил со пламен и чад. Четири години подоцна, со семејствата на починатите добиле 80 милиони долари оштета од автобуската компанија.

Автобус бил буквално преполовен во Бронкс во Њујорк

Во 2011 година, туристички автобус во Бронкс се превртел со голема брзина и бил пресечен на пола од метална табла, при што загинале 15 лица, а повредени биле 19. На суд, обвинителството тврдело дека возачот страдал од замор. Сепак, тој бил ослободен од обвиненијата за убиство од небрежност.

Автобус прелетал преку пат во Њу Орлеанс

На 19 мај 1999 година, автобус кој се движел од Њу Орлеанс кон едно казино во Мисисипи излетал од автопатот на Денот на мајките, прелетал преку прометниот автопат и удрил во насип. Во несреќата загинале 22 лица, а 24 биле повредени.