Партиите на Села и Гаши ќе ги попишуваат граѓаните без државјанство
Коалицијата на Алијанса за Албанците и Алтернатива, денеска во Скопје, ја промовира платформата „shtetesia.mk (државјанство).
Оваа платформа, во име на коалицијата, ја презентираше Башким Бакиу, раководител на Аналитичкиот центар на Алијансата за Албанците.
Бакиу рече: „shtetesia.mk – е национална платформа, каде што сите граѓани ќе имаат можност да го претстават својот проблем за добивање државјанство. Целта на оваа платформа е да соберат информации од граѓани кои се соочуваат со проблем за добивање државјанство, сега веќе 30 години од независноста на Македонија .
Според него, „да се биде без државјанство значи да не бидеш признаен како граѓанин од една држава во рамките на нејзиниот закон.
– Поради оваа правна аномалија, Република Северна Македонија ги спречува жителите на нејзината територија да имаат пристап до основните граѓански, политички, економски, културни и социјални права. И покрај фактот дека Република Северна Македонија е потписник на важни конвенции преку системот на човекови права на Советот на Европа, како и Универзалната декларација за човекови права на Обединетите нации, кои предвидуваат дека секој има право на државјанство „соодветно, на ниту едно лице не треба да му биде одземено правото на државјанство, денес на територијата на земјата има лица кои се законски невидливи, односно лица без државјанство – додаде тој.
Бакиу додаде дека ќе преземат сеопфатен процес за собирање основни податоци од лица без државјанство во Република Северна Македонија, сето тоа преку платформата shtetesia.mk, за да може потоа да се изврши политички притисок за решавање на овој проблем.
На крајот од оваа презентација, двајцата лидери на коалициските партии, Зијадин Села и Африм Гаши, им се обратија на новинарите.
– Државјанството е минимална државна обврска кон секој граѓанин на нашата земја и сè уште не можеме да и дозволиме на државата со банални причини да им го ускратува на граѓаните ова основно човеково право – рече Села, претседателот на Алијансата за Албанците.
Во дискусијата се вклучи и претседателот на Алтернатива, Африм Гаши, кој додаде дека „државата конечно мора да се ослободи од стравот дека расте бројот на една етничка заедница и со тоа да го попречи правото на граѓаните да имаат документ за државјанство“.