ПАНДЕМИЈА НА КАРДИОВАСКУЛАРНИ БОЛЕСТИ Последните 30 години се удвоил бројот на луѓе со хипертензија

Бројот на луѓе со висок крвен притисок е двојно зголемен од 1990 година до денес, според новата студија на списанието Лансет. Неодамна објавена студија покажува дека хипертензијата или високиот крвен притисок се директно поврзани со повеќе од 8,5 милиони смртни случаи секоја година и е водечки фактор на ризик за срцеви и мозочни удари, како и други срцеви и црнодробни заболувања.

Глобалниот развој на хипертензија беше забележан од научниците во текот на изминатите 30 години со анализирање на повеќе од 1.200 национални студии кои ја опфатија речиси секоја земја во светот. Тие заклучуваат дека денес во светот има 626 милиони жени и 651 милиони мажи со висок крвен притисок, двојно повеќе отколку во 1990 година. Загрижувачки дел од анализата е дека приближно 41 процент од жените и 51 проценти од мажите не се свесни за нивната состојба и воопшто не се лекуваат од оваа тивка болест.

„И покрај медицинскиот и фармаколошкиот напредок во текот на децениите, глобалниот напредок во третманот на хипертензијата беше бавен и огромното мнозинство луѓе со хипертензија не се лекуваат“, вели авторот на студијата Маџид Езати од Империјал колеџ во Лондон.

Авторите наведуваат дека е итно потребно да се започне со програми за дијагностицирање и да им се овозможи на луѓето пристап до лекување.

Професорот по кардиологија Роберт Стори вели дека хипертензијата исчезнала од фокусот на политичарите заради епидемијата на ковид 19:

„Пандемијата на кардиоваскуларни болести доби помалку внимание во изминатите 18 месеци, но ги одржува глобалните трендови во изборот на нездрав начин на живот, како што се високи маснотии, шеќер, сол и алкохол, пушење, седечки начин на живот и избегнување на вежбање“, вели Стори.

Тој ја нарекол ситуацијата темпирана бомба која во иднина би можела да ни наплати во вид на зголемени срцеви заболувања и мозочни удари.

Фото: Unsplash