ПАДНАА ФЕЈСБУК, ИНСТАГРАМ, МЕСИНЏЕР… Компанијата Мета се огласи на Икс и им се извини на корисниците
Работиме да ги вратиме работите во нормала што е можно поскоро и се извинуваме за непријатностите“, посочуваат од компанијата Мета.
Социјалните мрежи Инстаграм и Фејсбук бележат проблеми, а веб-страницата „DownDetector“ покажува дека некои други услуги како Месинџер, Ватсап и други не работат.
Речиси 100.000 корисници на веб-страницата „DownDetector“ пријавиле проблеми со Фејсбук, додека повеќе од 60.000 од нив имаат проблеми со Инстаграм.
Повеќето извештаи доаѓаат од Соединетите Американски Држави, но извештаите за проблеми доаѓаат од целиот свет.
Проблемот беше забележан и од редакцијата на Плусинфо, откако не можевме да споделуваме постови на нашите групи на Фејсбук и Инстаграм.
Како и секогаш во вакви ситуации, корисниците на другите мрежи ја користат можноста да ја изразат својата фрустрација поради прекинот на социјалните мрежи, па многумина се активни на Икс.
Facebook, WhatsApp, and Instagram are currently DOWN, reports say. 🔴 pic.twitter.com/oTx1zJpsXI #SocialMediaOutage #FacebookDown #InstagramDown #WhatsAppDown #StayConnected
— Big Daddy Blue (@mississippiwes) December 11, 2024
Компанија Мета под која се споменатите социјални мрежи, пак, објави пост на платформата Икс.
„Свесни сме дека техничкиот проблем влијае на способноста на некои корисници да пристапат до нашите апликации. Работиме да ги вратиме работите во нормала што е можно поскоро и се извинуваме за непријатностите“, посочуваат од компанијата Мета.
We’re aware that a technical issue is impacting some users’ ability to access our apps. We’re working to get things back to normal as quickly as possible and apologize for any inconvenience.
— Meta (@Meta) December 11, 2024