Пад на приходите во буџетот од 12,28 отсто во март

За 12,28 отсто се намалени приходите во државната каса во март годинава во однос на март лани. Најголем пад од 16,85 отсто има кај ДДВ и кај данокот на добивка од 10,78 отсто. Додека кај данокот на личен доход падот е од 1,11 отсто. Ова го соопшти на денешната прес-конференција директорката на Управата за јавни приходи Сања Лукаревска.

Таа рече дека од јануари до март се остварени приходи во износ од 19 милијареди денари.

Дополнителен пад на пријходите , како што рече Лукаревска е забележан во април.

– Споредбите со уплатата на даноците во април од 1 до 14 со истиот период лани во април се дека и во овој месец е забележан пад на уплатата на даноците. Кај ДДВ падот е од 79 отсто, кај данокот на личен доход имаме пад од 6 отсто додека кај данокот на добивка падот е од 9, 97 отсто -рече Лукареска.

Таа информира дека во април е зголемн повратот на ДДВ за 51,7 отсто. Дополнително информира дека во однос на уплатата на ДДВ треба бројките може да бидат поразлични бидејќи рокот за исплата на плати е 15 април, а рокот за достава на пријавите за плати е 25 април.

Таа рече дека е разгледано барањето на сметководителите за продолжување на рокот за достава на пријавите за ДДВ до крајот на април.

– Разгледана е опцијата да се пролонгира рокот до крајот на месец април за ДДВ, а во овој период на криза ммавме продолжување на роковите во сите сегменти за поднесување даночни пријави. УЈП нема постапки за присилна наплата за да го полни буџетот – рече Лукаревска.

За разлика од приходите од даноци кај приходите од придонеси во овој период е забележан раст и тоа кај придонесите за пензиско и инвлаидско осигурување пораст од 10, 15 отсто, додека кај придонесите за здравствено осигурување растот е од 18, 4 отсто.