📽️ ПАЦИЕНТ СО ЕБОЛА СЕ ЛЕКУВА ВО ЕВРОПА Тој беше транспортиран во специјално опремено возило, во придружба на полиција и пожарникари
Американските власти побараа помош од Германија поради пократкото патување од Уганда, од каде што пациентот беше префрлен со специјален авион.
Германија прими Американец заразен со ебола на лекување. Пациентот е заразен во Република Конго и е сместен во посебна изолација во клиниката Шарите во Берлин, соопшти Министерството за здравство во средата.
Американските власти побараа помош од Германија поради пократкото патување од Уганда, од каде што пациентот беше префрлен со специјален авион.
Министерката за здравство Нина Варкен изјави за ДПА дека германската влада ја разбира потребата да им помогне на своите партнери и истакна дека земјата има ефикасна мрежа за нега на пациенти заразени со опасни болести.
– Тој ќе добие најдобра можна нега, со најстроги безбедносни мерки – рече таа.
По слетувањето во Шарите, пациентот беше префрлен околу 3 часот наутро во специјално опремено возило, во придружба на полиција и пожарникари.
Болничката единица каде што се лекува е целосно изолирана.
Еболата е многу заразна и често фатална хеморагична треска. Вирусот се пренесува преку физички контакт и контакт со телесни течности.
Германија и претходно лекувала пациенти со ебола, за време на епидемијата во 2014 година, но проблемот сега е што нема вакцина или специфичен лек за овој сој.
– Во моментов можат само да му помогнат на телото да се бори против вирусот, да се спречи дехидрација и да се ублажат симптомите – велат лекарите.