ПАЃААТ ГРАД ПО ГРАД КАКО ДОМИНО Талибанците газат сè пред себе
Обединетите нации тврдат дека Авганистан запаѓа во катастрофална ситуација. Во меѓувреме, водечките медиуми алармирале за судирите, заборавајќи дека целата одговорност за моменталната ситуација во Авганистан е на САД и на нивните сателити.
Талибанците со сите сили се трудат да го одвратат Кабул од одбрана на престолнините на јужните провинции Кандахар и Хелманд, како и западен Херат, кој веќе неколку недели се обидуваат да го преземат. Групата до сега успешно ги засилила нападите на градовите ширум северен Авганистан.
Авганистанските национални безбедносни сили презеле контраофанзива операција во градовите додека талибанците се собираат околу периферијата, а цивилите бегаат од тие подрачја.
Луѓето не страдаат само поради судирот, туку и од воздушните напади на целите во градовите, бидејќи талибанските милитанти често се кријат во населбите со цивили. На 8 август член на покраинското Собрание на покраината Хелманд изјавил дека владините авиони ги гаѓале и ги оштетиле клиниката и средното училиште во Лешкар Гах.
Во моментот кога владините сили претежно се сконцентрирани на заштита на големите јужни градови, талибанците не губат време и ја преземаат контролата над другите престолнини на провинциите, еден по еден град паѓаат како домино.
Прва од престолнините на провинцијата паднала под контрола на талибанците на 6 август. Градот Зарањ во авганистанската западна провинција Нимруз, кој се наоѓа на граница со Иран и со Пакистан, паднал речиси без борба. Талибанските борци влегле во градот со американските возила „Хамви“ одземени од авганистанските сили. Сега ги користат за патролирање по улиците на Зарањ.
Следниот ден, градот Шеберган во северната провинција Џавџан стана втората престолнина на провинција која ја зазеле талибанците. Според зборовите на заменик гувернерот на владините сили, се повлекле на аеродромот на периферијата на градот, каде подготвуваат одбрана.
Талибанците на 7 август напредувале кон градот Кундуз на североисток на Авганистан. Според локалните извештаи, авганистанските безбедносни сили се повлекле во подрачјето на аеродромот, подготвувајќи се за контраофанзива.
Дури ни воздушната подршка на САД не успеала да го спречи губењето на градот. Американските авиони Б-52 ги бомбардирале целите во Кундуза и предизвикале големи пожари. Како што се наведува, во текот на денот во борбата се убиени меѓу 50 и 70 цивили.
На 8 август градот Сарипул на север на Авганистан паднал под контрола на талибанците. Владините сили се повлекле во касарната на околу 3 километри од градот. Градот Талокан, главен град на провинцијата Такхар, го презеле талибанците на 8 август
Последна, но не и помалку важна победа на талибанците бил градот Ајбак, главен град на Саманган на северот на Авганистан кој паднал во раните утрински часови на 9 август. Талибанците тврдат дека командантот и поранешен член на парламентот Мохамед Асиф Наби Јан им се придружил на муџахедините со своите осум вооружени луѓе.
Главниот град на провинцијата Балкх, Мазари Шариф и градот Гардез, центар на Пактија, на север на Авганистан веројатно ќе стане следниот трофеј во рацете на талибанците, бидејќи избиле жестоки судири на перифериите на градовите.
При напредокот на талибанците, САД и Велика Британија ги повикаа своите граѓани веднаш да го напуштат Авганистан користејќи комерцијални летови. Вашингтон ја осуди новата насилна офанзива на талибанците врз авганистанските градови.
Обединетите нации тврдат дека Авганистан запаѓа во катастрофална ситуација. Во меѓувреме, водечките медиуми алармирале за судирите, заборавајќи дека целата одговорност за моменталната ситуација во Авганистан е на САД и на нивните сателити.