📷 „ОВА Е БОЛНО И НЕОДГОВОРНО“ Фотографијата од бебе како лежи на подот на концертот на Тејлор Свифт ги налути сите

Обожавателите на музичката ѕвезда Тејлор Свифт се огорчени откако ја виделе фотографијата од бебе кое лежи на подот на арената во текот на еден од концертите на пејачката во склоп на турнејата „Ерас“ во Париз.

На платформата Икс, поранешен Твитер, е објавена фотографија на која се гледа како бебе спие на подот во стоечкиот дел на Арената „Ла Дефенс“ и човек кој стои над него.

Објавата предизвика стотици негативни коментари.

„Искрено би повикал обезбедување ако видам бебе на подот бидејќи таму НЕ е безбедно“, „Како мајка на бебе, не можам да замислам да го однесам на концерт. Барем бебето треба да биде во носилка и да има заштита за уши“, „Како можеле воопшто да помислат дека е добра идеја да се донесе бебе на настани како овој“, „Доколку случајно дошло до итен случај и сите морале да се евакуираат, тоа бебе ќе било прегазено“, „Ова е болно и неодговорно“, се дел од коментарите.

Претставник за „Ла Дефенс арена“ изјавил за „Пејџ сикс“ дека „општите услови за продажба наведуваат дека сите малолетници кои имаат билет за концерт во париската арена „Ла Дефенс“ мора да бидат придружувани од возрасна личност. Децата помлади од 18 години остануваат под одговорност на нивните законски старатели, тоа е правилото на местото. За родителите кои биле со мало дете бил предложен алтернативен распоред за седење, но тие го одбиле“.