ОВА Е АКЦИЈА НА СДСМ И НА ДУИ ДА СЕ АМНЕСТИРААТ ДВАЈЦА ПОРАНЕШНИ ПРЕМИЕРИ Малку им е еден, спремаат и нов закон за амнестија, предупредува Антонијо Милошоски
Агендата на СДСМ и на ДУИ во периодот кој следи е со две примарни политички цели. Едната цел е да се спасат функционерите и да има амнестии за тие кои краделе и ја злоупотребиле функцијата, а втората е да го искористат Груевски за фрагментација во ВМРО-ДПМНЕ и со тоа да си олеснат евентуално олеснување на уставните измени.
Власта на чело со Ковачевски и Ахмети преговара амнестија за Груевски, со цел тој да влијае за поделби во ВМРО-ДПМНЕ и евентуално да им помогне да се изгласаат уставните измени, изјави на прес конференција Антонијо Милошоски, член на ИК на ВМРО-ДПМНЕ и пратеник.
– Измените во кривичниот законик не се случајни, имаат двојна цел: првата е да се амнестираат функционери од актуелната власт, кои во изминативе години за жал ја ограбуваа државата: и второ, да се влијае на процесите кои се однесуваат на Груевски. Измените во Кривичниот законик ги договарале СДСМ, ДУИ и лица од помали политички партии, кои сакаат поделби во опозицијата – рече Милошоски.
Тој посочи дека оваа констатација, намерно или случајно, јавно ја кажа и Али Ахмети во едно интервју.
– Во изјавата на Ахмети беше потенцирано дека ВМРО-ДПМНЕ на чело со Мицкоски, ниту преговарало за измените во Кривичниот законик, ниту се согласило дека е против измените во Кривичниот законик и исто така е против менувањето на Уставот под бугарски диктат. Сакајќи или несакајќи, со ова, најистакнатиот експонент на власта, направи јасна разлика помеѓу оние кои тргуваат со амнестија за да стигнат до уставни измени и за своја правна заштита и ВМРО-ДПМНЕ, партија која ја слуша волјата на народот и е против уставни измени и трговија со правосудниот систем за политички материјални цели – нагласи Милошоски.
Целта на оваа акција на СДСМ и на ДУИ е да се амнестираат двајца поранешни премиери, а од друга страна, менуваат правосудни закони кои би создале лична корист и заштита на актуелните функционери на СДСМ и ДУИ, вели тој и додава:
– Споменатите преговарачи на амнестијата нема да застанат тука. Во моментов разговараат за нов закон за амнестија, со кој би се спасиле од затвор лица блиски до власта, но имаат несогласувања кои дела да ги опфаќа тој закон за амнестија, во Министерството за правда и Владата има различни позиции – вели Милошоски.
Агендата на СДСМ и на ДУИ во периодот кој следи е со две примарни политички цели. Едната цел е да се спасат функционерите и да има амнестии за тие кои краделе и ја злоупотребиле функцијата, а втората е да го искористат Груевски за фрагментација во ВМРО-ДПМНЕ и со тоа да си олеснат евентуално олеснување на уставните измени.
– Ние им порачуваме и на СДСМ и на ДУИ и на нивните клиенти да не го потценуваат ВМРО-ДПМНЕ, да не го потценуваат народот. Партијата е обединета, пратеничката група е сплотена и ВМРО-ДПМНЕ под ниеден услов нема да гласа за уставни измени под бугарски диктат, а овие политички пазарења со амнестии во Кривичниот законик нема да ги спасат од одговорност актуелните функционери доколку сметале дека ова им е некаков политички аванс – рече Милошоски.