Охриѓанецот кој вчера се удави, влегол пијан во езеро

Охриѓанецот на возраст од 49 години кој вчера се удавил во Охридско езеро, бил под дејство на алкохол, информира МВР.

И покрај обидите за реанимација од итната медицинска помош давеникот не бил спасен.

Вчера во МВР околу 14.20 часот било пријавено дека улива Кеј Македонија во Охрид од водите на Охридското Езеро било извлечено безживотно тело на С.Ј. Тој влегол во водата со уште тројца и сите биле под дејство на алкохол.

„На местото на настанот увид извршила екипа од СВР Охрид при што било констатирано дека С.Ј кој бил под дејство на алкохол, околу 14 часот заедно со уште три лица влегол во водите на Охридското Езеро, но по кратко време лицата забележале дека С.Ј. не излегол од вода по што го пронашле и го извлекле од вода. По наредба на јавен обвинител телото на починатиот е предадено за обдукција“, соопшти МВР.