Ограбена куќата на „бомбашот“ Ел Чека

Попладнево била ограбена куќата на „бомбашот“ од Чикаго, Шеќерим Ахмеди познат како Ел Чека. За порталот„ Лајм“, братот на Ел Чека, Блерим Ахмеди потврдил дека била ограбена куќата во кичевско Туин.

Од МВР за Плусинфо потврдија дека денеска во 14 часот лицето Б.А. пријавило дека имало грабеж во семејната куќа.

– Лицето пријави дека од куќата се одземени таблет и златен накит – велат од МВР и додаваат дека истрагата е во тек.

За „Лајм“ Ахмеди изјавил дека се сомнева оти разбојниците биле активисти на ДУИ од кичевското село Колари.

– Го следевме сигналот на таблетот и го лоциравме во селото Коларе. Мислам дека тоа се блиски луѓе на функционери на ДУИ. Откако ми го украдоа таблетот, тие направија два обида да влезат во мојот профил на Фејсбук – изјавил Ахмеди.