ОДЛОЖЕНА СЕДНИЦАТА НА КОМИСИЈАТА ЗА ЕКОНОМСКИ ПРАШАЊА Требаше да расправа за стратешки проекти во енергетиката
Бидејќи матичната комисија денеска нема да расправа за овие предлог- закони, се очекува да биде одложена и расправата по нив на пленарната седница.
Собраниската Комисија за економски прашања, на чиј дневен ред беа предлозите на законите за реализација на стратешките инвестициони проекти во енергетиката по скратена постапка, е одложена.
На календарот на собраниската веб страница, иако првично беше најавена, тргната е седницата на Комисијата за економски прашања на која како точки на дневен ред беа предлозите на законите за реализација на стратешките инвестициони проекти „Соларен парк Стипион“, Соларна електрична централа – Пехчево, АИМ ГРЕЕН ТЕЦХ и Митилинеос когенеративна постројка Скопје, сите по скратена постапка.
Собранието денеска, како што е најавено, треба да одржи 5 пленарни седници, а на една од нив 140. треба да се разгледуваат предлог-законите за стратешките проекти во енергетиката кои се во скратена постапка.
Бидејќи матичната комисија денеска нема да расправа за овие предлог-закони, се очекува да биде одложена и расправата по нив на пленарната седница.