„ОД НИВ НАРОДОТ НЕ МОЖЕ ДА ГО ГЛЕДА СДСМ“ Деспотовски распали по крилото на Заев и Филипче во партијата
Народот во Струмица, во Паланка и во цела Македонија веќе не може да го гледа СДСМ. Оваа политика на континуитет со истите лица и методи е причината за нашето незадоволство и падот на довербата, рече јован Деспотовски.
Еден од претендентите за нов лидер на СДСМ, Јован Деспотовски, денес со жесток настап посредно го нападна крилото на Зоран Заев, кое го поддржува поранешниот министер за здравство Венко Филипче како свој фаворит за нов лидер на партијата. Според Деспотовски, таквите кадри претставуваат продолжување на истата политика заради која народот денес во цела Македонија не може да го гледа СДСМ повеќе.
– Народот во Струмица, во Паланка и во цела Македонија веќе не може да го гледа СДСМ. Оваа политика на континуитет со истите лица и методи е причината за нашето незадоволство и падот на довербата – рече Деспотовски и додаде:
– Дополнително, СДСМ се соочува со историски најлош резултат и ѝ се заканува распад на најмалку три фракции. Според праксата, после вакви порази, партиите многу тешко се опоравуваат.
Инаку, денес ИПИС објави анкетно истражување според кое рејтингот на лидерот на ВМРО-ДПМНЕ и македонски премиер Христијан Мицкоски е шест пати поголем од тој на актуелниот претседател на СДСМ.