📷 ОД БИТ ПАЗАР КОН СТАРА ЧАРШИЈА НИЗ СТАКЛЕНА ПОРТА Градоначалникот на Чаир се пофали со новиот конструкциски објект

Покрај заштитата од атмосферските влијанија, оваа инвестиција го збогатува урбаниот карактер на Чаршијата, зачувувајќи го духот на живиот и динамичен пазар, се вели во соопштението на Општина Чаир.

1,629

Градоначалникот на Општина Чаир, Висар Ганиу, денеска официјално ја промовираше поврзувачката порта меѓу Бит Пазар и Стара Чаршија, проект со големо значење за урбаниот и за културниот идентитет на градот, се вели во соопштението на Општина Чаир.

„Овој современ конструкциски објект, изработен од челик и стакло, претставува функционален и естетски влез, кој создава природна врска меѓу двата најзначајни трговски простори во градот. Покрај заштитата од атмосферските влијанија, оваа инвестиција го збогатува урбаниот карактер на Чаршијата, зачувувајќи го духот на живиот и динамичен пазар. Градоначалникот Ганиу ја истакна важноста на овој проект како симбол на спојот меѓу традицијата и модерното, кој ја подобрува инфраструктурата и искуството на граѓаните и посетителите. Општина Чаир останува посветена на урбаниот развој и зачувувањето на културното наследство, градејќи поубав и пофункционален град за сите граѓани“, наведено е во соопштението.






Поврзани содржини