ОД 1 ДО 5 СЕПТЕМВРИ ВТОРА ШАНСА ЗА СУБВЕНЦИОНИРАН ОБРОК Студентите треба да се пријават он-лајн

Финансиската поддршка во износ од 140 денари дневно, е наменета за купување здрава храна.

191

Студентите од втора и повисоките години, кои го пропуштија првиот рок за аплицирање за остварување на правото на субвенциониран студентски оброк за академската 2023-2024 година, можат да поднесат пријава од 1 до 5 септември, соопшти Министерство за образование и наука.

„Пријавувањето се врши преку порталот https://e-uslugi.mon.gov.mk/, а по завршување на рокот за пријавување, кандидатите ќе добијат известување.






Потоа, од Шпаркасе банка, како банка со која Министерството за образование и наука склучи нефинансиски договор за реализација на мерката, ќе бидат повикани да склучат договор за отворање на посебна сметка, поврзана со наменска платежна картичка преку која единствено ќе можат да ги користат средствата.

Аплицирањето за кандидатите кои ќе се стекнат со статус на студенти во академската 2023/2024 година и кои не го запишале летниот семестар ќе трае од 27 септември до 2 октомври.

Финансиската поддршка во износ од 140 денари дневно е наменета за купување здрава храна, а студентот може да ја користи од понеделник до сабота, кај правни лица кои произведуваат, подготвуваат или продаваат храна“ – соопшти Министерство за образование и наука.

Поврзани содржини