🎥 ОБЛАЦИ СМОГ ГО ПРЕКРИЈА НЕБОТО НАД СОЧИ, ГОРИ НАФТА ВО ЦРНОТО МОРЕ! Подводен дрон погоди танкер кој пловел под либериско знаме

Голем пожар избувна вчера вчерта на танкер за превоз на сурова нафта во Црното Море, во близина на градот Сочи, откако, според руските власти, бродот бил погоден од беспилотно пловило.

Станува збор за танекрот „Афримакс рио“, кој плови под либериско знаме, изграден во 2004 година. Рускиот транспортен сектор соопшти дека по нападот избувнал пожар, а нафтата горела на отворено во морето. Сите 23 членови на екипажот, индиски државјани, биле спасени и според досега објавените информации нема повредени.

Снимките објавени на социјалните мрежи покажуваат големи пламени јазици околу танкерот и густ црн чад кој се гледа од брегот на Сочи. Подоцна беа објавени и снимки на кои се гледа како гори нафта на морската површина. Поради пожарот, властите привремено го ограничија пристапот до плажите и крајбрежните подрачја во Сочи и соседната територија Сириус, а спроведен е и мониторинг на воздухот и водата.

Руското Министерство за транспорт соопшти дека пожарот во почетокот бил премногу интензивен за спасувачите безбедно да му се приближат на бродот. Планот бил гаснењето да почне откако ќе се намали интензитетот на огнот и ќе биде можно безбедно приближување на спасувачките пловила. Подоцна беше соопштено дека пожарот е ставен под контрола.

Танкерот „Афримакс рио“, долг 247, а широк 42 мметри, со носивост од 107 тони, е сопственост на компанија регистрирана на Ммаршалските Острови. Од февруари годинава се наоѓа на украинската „црна листа“, како еден од бродовите што Киев ги поврзува со таканаречена руска „фантомска флота“. Сепак, бродот не е на листата за санкции на Европската Унија и сојузниците на Украина.

Достапните податоци покажуваат дека „Афримакс рио“ во изминатите години повеќепати превезувал руска нафта. Бродот бил регистриран на руските пристаништа Уст-Луга, Новоросијск и Таман, а меѓу неговите дестинации се појавуваат Индија, Сингапур и Саудиска Арабија. Податоците за неговите претходни пловидби потврдуваат, на пример, рута „Новоросијск–Рабиг“ во мај и јуни годинава.

Во меѓувреме, на социјалните мрежи и во дел од руските извори се појави информација дека танкерот во моментот на инцидентот превезувал сурова нафта од Новоросијск кон Индија и бил речиси целосно натоварен. Точната количина на нафта што се наоѓала во танкерот во моментот на пожарот исто така не е официјално објавена.

Руските власти соопштија дека сурова нафта горела на морската површина, откако дошло до истекување или излевање на товарот. Обемот на истекувањето и евентуалните последици врз морето засега не се прецизирани.

Москва тврди дека причината за пожарот е „напад со беспилотно пловило“, но Украина досега ја нема преземено одговорноста.

Инцидентот се случува во период на зголемени ризици за комерцијалното бродство во Црното Море. Истиот ден беа пријавени напади врз два трговски брода во бугарската економска зона, при што еден брод потона, а друг беше оштетен и се запали. Сепак, засега нема потврда дека двата настани се директно поврзани.

BREAKING: Ukraine has just struck an oil tanker, which is now burning off the coast of Sochi in Russia’s Krasnodar region, with a massive fire and a black smoke column rising several kilometres. https://t.co/yJZMuSy5Hv

— The Hormuz Letter (@HormuzLetter) October 6, 2026

⚡️ The burning tanker off Sochi has turned out to be part of Russia’s “shadow fleet” According to Supernova+, the Aframax Rio tanker, sailing under the Liberian flag, was carrying crude oil from Novorossiysk to India and was reportedly loaded almost to capacity. Mash reports that the captain requested the evacuation of all 23 crew members. No deaths or injuries have been reported. The vessel is still burning. Flashes of fire can be seen in the darkness, while Sochi’s beaches have been closed.

— NEXTA (@nexta_tv) October 6, 2026