ОБИДИТЕ НА ДУИ ДА ПРЕДИЗВИКА ЗЕМЈОТРЕС СЕ ВРАТИЈА КАКО БУМЕРАНГ Вреди вели дека е пообединета од кога било

Обидите на ДУИ преку Арбен Таравари да предизвика земјотрес во Вреди се целосно неуспешни, соопштија од Вреди порачувајќи дека партијата денес е пообединета во својата визија од кога било. Според Вреди, наводните обиди на ДУИ да ја дестабилизира Вреди му се вратиле како политички бумеранг.

„Вреди денес повеќе од кога било го потврдува своето политичко и институционално единство. Сите наши партии и претставници се синхронизирани во визијата, целите и одлуките. Вреди е обединето тело кое дејствува одговорно кон граѓаните и со решителност на политичката сцена.

Обидите на ДУИ преку Таравари да предизвика земјотрес во Вреди се целосно неуспешни. Обидот за поделба се претвори во политички бумеранг за самите автори. Ова докажува дека Вреди не е случајна коалиција, туку сериозен политички проект со силна основа и јасна визија за иднината.

Денес, Вреди гарантира стабилност со бројки во владата, како важен столб на парламентарното мнозинство и новиот пат на управување што се воспоставува во земјата. Ние сме посветени на унапредување на интересите на албанците, борба против корупцијата и овозможување државата да биде функционална за сите граѓани.

Во наредните денови се очекуваат нови политички случувања што дополнително ќе ја зајакнат водечката улога на Вреди во албанскиот блок и ќе ја позиционираат како авангардна сила на промените на албанската политичка сцена.

Вреди не се плаши од старите политички превирања. Вреди е токму земјотресот што го соборува скапаниот систем на ДУИ и го носи новиот дух на достоинствено, чесно и храбро претставување“, велат од Вреди.