НОВИ ПРОБЛЕМИ ЗА ЧЕЛСИ Британија му стегна санкции и на директорот Тененбаум

Британската Влада официјално објави во четвртокот вечер дека вовела санкции кон спортскиот директор на премиерлигашот Челси, Еуген Тененбаум.

Со овој нов чекор на британската Влада како свој одговор на инвазијата врз Украина е замрзнат целиот имот на руско-канадскиот државјанин Тененбаум.

Официјален Лондон посочи, исто така, дека секој авион, брод или која било друга недвижност, која е во сопственост на Тененбаум, може да биде конфискувана доколку влезе на територијата на Велика Британија.

Британските власти на подеднаков начин реагираа и кон Давид Давидович, близок соработник на долгогодишниот прв човек на Челси, Роман Абрамович.

Се претпоставува дека британската Влада со воведените санкции кон овие двајца олигарси замрзнала имот вреден околу 12 милијарди евра, што досега претставува најригорозна мерка во британската историја.