НОВИ ЦЕНИ НА ГОРИВАТА ОД ПОЛНОЌ Бензините поевтинуваат, а дизелот поскапува
Се намалува и цената на мазутот кој од полноќ ќе се продава по цена од 42,4 денари за килограм.
Цените на бензините и на мазутот од полноќ се намалуваат, а на дизелот и на маслото за горење се зголемуваат, одлучи Регулаторната комисија за енергетика.
Според одлуката, малопродажната цена на бензинот „еуросупер -95“, се намалува за 0,50 денари по литар и од полноќ ќе изнесува 82,50 денари. Цената на бензинот „еуросупер -98“, се намалува за 1,00 денар по литар и ќе изнесува 84,50 денари.
Можеби ќе ве интересира
Цените на дизелот и екстра лесното масло за домаќинство се зголемуваат за 0,50 денари по литеар и од полноќ ќе изнесуваат 73,50 за дизелот и 73,00 денари за маслото за домаќинства.
Регулаторите ја намалија и цената на мазутот за 0,176 ден/кг, и од полноќ ќе изнесува 42,453 ден/кг.