НОВ ПОЛИЦИСКИ СКАНДАЛ ВО КРУШЕВО Полицаец нападнал колеги со остар предмет
Полициски службеник од Крушево доби кривична пријава за сторени кривични дела „загрозување со опасно орудие при тепачка или караница", „предизвикување омраза, раздор или нетрпеливост врз национална, расна, верска и друга дискриминаторска основа" и „напад врз службено лице при вршење работи на безбедноста".
Полициски службеник од Крушево доби кривична пријава по неколку дела откако физички нападнал други полициски службеници на должност и им се заканувал со остар предмет. 51-годишниот полицаец е отстранет од работното место и против него е покрената и дисциплинска постапка.
Можеби ќе ве интересира
„ОВР Крушево поднесе кривична пријава А.А.(51) од Крушево, полициски службеник во Полициската станица Крушево, поради постоење основи на сомнение за сторени кривични дела „загрозување со опасно орудие при тепачка или караница”, „предизвикување омраза, раздор или нетрпеливост врз национална, расна, верска и друга дискриминаторска основа” и „напад врз службено лице при вршење работи на безбедноста”. На 31.03.2024 во Крушево, пријавениот физички нападнал полициски службеници кои извршувале службени дејствија и претходно со остар предмет им се заканил на М.С., Е.С. и Р. Р., тројцата од Прилеп и на С.Г. од Крушево.
По извршени проверки, Одделот за внатрешна контрола, криминалистички истраги и професионални стандарди при МВР поднесе предлог за поведување постапка за кршење на работниот ред и дисциплина по член 210 став 1 точка 10 и 20 од Колективниот договор на МВР и дадени се задолжителни мерки да се отстрани од работното место до донесување на решение во дисциплинската постапка“ – стои во известувањето од МВР.