(ВИДЕО) НОЌЕСКА НЕКОЈ ГО ЗАПАЛИЛ АВТОМОБИЛОТ НА АРТАН ГРУБИ? Весникот Коха пишува дека инцидентот се случил во Чаир на улицата Струмица
Се вели дека полицијата во придружба на обвинителот старател излегла на местото на настанот рано изутрината и го истражува случајот.
Околу 3 часот утринава непознати лица го запалиле автомобилот на првиот вицепремиер Артан Груби, пишува и тврди весникот КОХА. Според написот, инцидентот се случил на улицата Струмица во скопската населба Чаир. Веста ја пренесе и КланМакедонија. Се вели дека полицијата во придружба на обвинителот старател излегла на местото на настанот рано изутрината и го истражува случајот.
Но, иако медиумите напишаа дека автомобилот се поврзува со вицепремиерот Груби, официјалниот билтен на МВР денеска вели дека возилото не е сопственост на Груби, туку на 35-годишен скопјанец со иницијали Б.Л.
„Денеска (22.07.2023) во СВР Скопје е пријавено дека околу 03.30 часот на ул.„Струмичка” настанал пожар во патничко возило „ауди” со скопски регистарски ознаки, сопственост и паркирано од Б.Л. (35) од Скопје“, соопштуваат од МВР.
Оттаму известуваат дека пожарот е изгаснат, повредени лица нема, а увид извршила увидна екипа на СВР Скопје.
ТВ21 сподели видео според кое се работи за автомобил „Ауди“ .
Се очекуваат повеќе информации за случајот.