Николоски: Добив поддршка од мојот професор и најголемиот патриот Ѓорге Иванов

Потпретседателот и носител на изборна единица 4 Александар Николоски денеска на средба во Валандово добил поддршка од поранешниот претседател Ѓорге Иванов, напиша на Фејсбук Николоски.

– Денес сум горд што добив поддршка од претседателот Ѓорге Иванов. Претседателот Иванов мојот професор од студентските денови од кого научив многу за политиката која сега ја применувам е најчесниот и најискрен претседател кого Македонија го имала. Далеку најголем патриот на чело на државата. Човек кој се спротистави на националното обезличување на Македонија. Неговата визија и совети се од голема помош за мене во оваа кампања. Денес во неговото родно Валандово разговараме за иднината на Македонија. Ќе ја направиме економски силна, а народот национално горд. Заедно ќе победиме во четворката и во цела Македонија, напиша Николоски на својата официјална фејсбук страница.