НЕМА „ВОЈНА“, НИТУ „СПЕЦИЈАЛНА ОПЕРАЦИЈА“ Во Украина тешко се одржува мирот и безбедноста
Советот на безбедност на Обединетите нации, го усвои едногласно првото соопштение за Украина.
Советот за безбедност на Обединетите нации едногласно го усвои своето прво соопштение од почетокот на руската воена акција на 24 февруари, изразувајќи „силна поддршка“ за напорите на генералниот секретар Антонио Гутереш да се најде мирно решение за „спорот“ во Украина.
Во соопштението усвоено на краткиот состанок вчера не се споменуваат зборовите „војна“, „конфликт“ или „инвазија“, како што многу членки на СБ ја нарекуваат тековната воена акција на Русија или „специјална воена операција“, како што ја нарекува Москва.
Во изјавата се „изразува длабока загриженост за одржувањето на мирот и безбедноста во Украина“ и „се потсетува дека сите земји-членки, според Повелбата на Обединетите нации, се обврзани да ги решаваат своите меѓународни спорови со мирни средства“.
Русија, која има право на вето во Советот за безбедност на ОН, ги блокираше претходните обиди за усвојување соопштение за Украина.