НЕМА УСЛОВИ ЗА ВОЕНА СОСТОЈБА Околу Украина се води само медиумска војна
Украинскиот министер за одбрана вели дека се надева дека нема да има инвазија ниту војна и се ќе се сведе на медиумските препукувња.
Украинскиот министер за одбрана Алексеј Резников изјави дека нема основа за воведување воена состојба во земјата.
– Сигурен сум дека во моментов нема апсолутно никаква причина да се воведе таквата одредба за посебен правен режим – рече Резников за украинската телевизија ICTV, одговарајќи на прашањето дали треба да се очекува воена состојба.
Тој додаде дека треба „само за да се регулира или нормализира медиумската атмосфера и простор“.
– Јас сум апсолутно мирен и убеден дека ќе ја преживееме оваа криза. Пред се, таа е навистина информативна. Но, воена состојба се воведува доколку има директна агресија, како инвазија. Се надевам дека таква инвазија нема да се случи и затоа се ќе биде во ред – рече тој.
Украинскиот претседател Владимир Зеленски на средбата со германскиот канцелар Олаф Шолц вчера изјави дека неговото семејство останува во главниот град. Тој, исто така, заминувањето на дипломатите од голем број западни земји во врска со ситуацијата околу Украина го нарече „голема грешка“.