НЕМА ИМПРОВИЗАЦИИ, ЗАКОНОТ ЗА ОБРАЗОВАНИЕ ГО РАБОТЕВМЕ СО АКАДЕМСКАТА ЗАЕДНИЦА Oд едукацијата зависи иднината на земјата, вели Мицкоски

Образованието е најмоќното оружје кое можете да го искористите за да го промените светот, изјави премиерот Христијан Мицкоски на заедничка прес-конференција со министерката за образование во Владата.

– Долго време во нашата држава се правеа експерименти со нешто кое не смее да биде предмет на импровизација – со образованието. Токму образованието е фундаментот врз кој се гради секое општество – порача премиерот во врска со новиот закон за високо образование кој го подготвува Владата.

Мицкоски посочи дека затоа Владата избра поинаков пристап.

– Веруваме дека напредокот не се гради преку наметнување туку со партнерство. Денес имаме воспоставен вистински партнерски однос со академската заедница. Добрата намера беше препознаена и заедно работевме на креирање на нов закон за високото образование кој ќе одговори на реалните предизвици и ќе отвори нови перспективи – рече премиерот.

За Мицкоски законот не е политичко туку државно прашање од кое зависи иднината на земјата.

Меѓу новините, рече, е тоа што првпат најдобрите студенти ќе имаат предност при вработување на државните универзитети, се воведува и нов модел на финансирање на високообразовните установи.

Осврнувајќи се на претходните законски решенија, тој рече дека кога се прават погрешни чекори, последиците ги чувствуваат генерации.

– Не само денес туку и утре. Долго време високото образование трпи големи штети поради тоа што такво законско решение се донесе во 2018-тата година. Не чинеше едно, се донесе уште полошо. Намалени прагови за напредување во звања, намалена научна продукција, намалена финансиска поддршка за универзитетите донесоа и намален квалитет. Во исто толкав период не е спроведена ниту една сериозна евалуација, ниту се нотирани слабостите, ниту се предложени суштински решенија. А потребата за промена е очигледна. Како Влада не можеме да си дозволиме да замижиме и да оставиме уште една изгубена деценија позади нас. Ова е наша одговорност и наша должност – истакна премиерот.

Мицкоски соопшти дека 7,5 милијарди денари е буџетот на универзитетите и дека е значително поголем од минатата година, додавакјќи дека тој тренд ќе продолжи.

Додаде дека фокусот ќе биде и на науката, поддршка на научни трудови, за нашите универзитети, како што рече, повторно да бидат препознаени како центри на квалитет и иновации.

Министерката Јаневска ги соопшти предностите на новиот закон и посочи дека во неговото креирање се слушнати мислењата на дебатите организирани на сите универзитети и оти се вградени сите конструктивни и аргументирани забелешки.

Министерката Јаневска ги соопшти предностите на новиот закон и посочи дека во неговото креирање се слушнати мислењата на дебатите организирани на сите универзитети и оти се вградени сите конструктивни и аргументирани забелешки.