📷НЕКОЈ ОБЈАВИЛ ФОТКА ОД БОМБАТА ПРЕД ЕКСПЛОЗИЈАТА ВО КНИН На социјалните мрежи била испратена мрачна порака

Фотографија од рачната граната којашто експлодираше во раката на 25-годишник на забава во Книн во Хрватска се појави на социјалните мрежи. Фотографијата ја објавило лице кое било присутно на забавата со натпис, „Селото ќе вечера во темница“, пишува хрватски Индекс.

Не е познато дали лицето кое ја објавило фотографијата е едно од четворицата ранети во експлозијата. Жена од соседството за медиумите рекла дека 25-годишниот М.П. кој загина во експлозија бил добро момче:

– Не го познавам момчето што почина, но другите велат дека бил душа, ведар, подготвен да помогне. Нека милиот Бог им даде сила на неговите родители да го издржат сето тоа што им се случи како и на другите чии деца беа повредени. Наводно, еден од повредените е во многу тешка состојба бидејќи синоќа бил префрлен во сплитската болница.

Таа вели дека не може да опише колку била исплашена и дека претпоставува оти се треселе прозорците на сите куќи во и околу улицата.

– Се слушна вресок, но веднаш не знаевме од каде доаѓа, а не верувавме дека некој настрадал бидејќи досега живееме во мир. Меѓутоа, експлозијата на бомбата нѝ остана длабоко врежана во сеќавањата, а пристигнувањето на брзата помош и полицијата нè убеди во најлошото – изјавила сосетката.

Таткото на еден од повредените утрово го посетил својот син во болница. Синот рекол дека во станот имало бомба, но дека никој не знае како таа завршила во станот.

Хрватската полиција го истражува случајот. Според остатоците од увидот на местото, рачната граната бил од тип М-75.

„Од извршените увиди е откриено дека повредениот 25-годишник од спалната соба на станот во којшто престојувал донел рачна бомба М-75 и ја предал на друг 25-годишник. Како резултат на нестручното ракување, рачната бомба случајно била активирана во раката на 25-годишникот кој починал“, се вели во полициското соопштение.