Не се во план изборите, затоа што сме фокусирани на епидемијата, рече Филипче
Фокусирани сме на тоа какви ќе бидат мерките во текот на летото и по летото. Тоа се нашите активности - изјави Филипче.
Во ниту еден момент не сме го дискутирале прашањето за можни избори во јуни или јули. Целосно сме фокусирани на борбата со епидемијата, рече на денешната прес-конференција министерот за здравство Венко Филипче.
– Се растегна епидемиолошката крива. Сè уште сме во фаза во која сите болнички капацитети се во приправност во однос на можните најцрни сценарија. Ситуацијата сѐ уште е иста – рече министерот.
Можеби ќе ве интересира
Тој потенцираше дека имаме одлични резултати, но премногу е рано да зборуваме за олабавување на мерките и организирање на еден таков настан како што се избори. Сè уште е рано да се предвидува што било на оваа тема.
– Фокусирани сме на тоа какви ќе бидат мерките во текот на летото и по летото. Тоа се нашите активности – изјави Филипче.