Не очекувам да влеземе во рецесија во првиот квартал, вели Бектеши

Министерот Крешник Бектеши рече дека според индикаторите кои ги знае, не очекува земјата да влезе во рецесија во првиот квартал.

– Немам информации за извештајот од Заводот за статистика, но според индикаторите кои ги знаеме, очекувам да не влеземе во рецесија во првиот квартал. Ќе ги чекаме податоците од Државиот завод, по што ќе излеземе со наш став зависно од движењата на секој од секторите – рече Бектеши одговарајќи на новинарско прашање.

Во однос на платежните картички за граѓаните, тој потенцира дека Уредбата е одлично направена и дека се очекува тие да бидат навреме изготвени и доставени, како и да почнат да се користат во предвидениот рок.

– Преговорите со банките кои ќе ги доделуваат картичките се завршени. Убеден сум дека со доставување на листата до нив, навреме ќе бидат изготвени и граѓаните ќе може да ги користата во предвидениот рок – истакна Бектеши.