НАУЧЕТЕ ГО ДЕТЕТО ДА СЕ СПРАВУВА СО ПРЕДИЗВИЦИТЕ Дозволете му мали разочарувања за да научи да ги совладува големите
Поддржувајте го вашето дете, но обидете се да не му го решавате секој помал проблем или разочарување. На пример, дозволете му на вашето дете да ја предаде домашната задача која знаете дека е погрешна. Надминувањето на малите предизвици, ја гради неговата резилиентност за поголеми неуспеси.
Резилиентноста е капацитет за справување со различни видови на стрес, справување со предизвиците и опоравување од траума. За децата, предизвиците и тешките времиња вклучуваат искуства, како на пример, започнување во ново училиште или градинка, преселба во нов дом, доаѓање на ново дете во семејството, итн. Стресот за детето, исто така, може да вклучува сериозни искуства, на кои би можело да биде присутно, како што се, семејно насилство, развод, болест, смрт итн.
Децата, со текот на времето резилиентноста ја градат и преку искуство. Можете да му помогнете на вашето дете да научи нови вештини и да ја развива резилиентноста со тоа што ќе имате топол и поддржувачки однос кон него. Децата кои се резилиентни, можат да се опорават од неуспесите и побрзо да се вратат на секојдневјето. Кога децата ги надминуваат неуспесите и проблемите, тоа ја гради нивната самодоверба и им помага да се чувствуваат повеќе подготвени кога ќе се појави нов проблем.
Повеќе за ова на порталот „Мајка и дете“.