НАРОДОТ ГЛАДУВА, А ВЛАСТА ТРОШИ 5 МИЛИОНИ ЕВРА ЗА АВТОМОБИЛИ Стоилковски обвинува дека поради лошите решенија на владата 215.000 граѓани ја напуштиле земјата

Македонија тоне во катастрофа, инфлацијата го јаде лебот на народот, а СДСМ и ДУИ наместо реални антикризни мерки троши 5 милиони евра за службени автомобили, изјави Наум стоилковски, портпарол на ВМРО-ДПМНЕ, коментирајќи ги најавените нови мерки на владата.

– Неодговорноста и криминогеноста на власта ја потврдува и девастирачкиот факт дека во време на најголема смртност заради ненавремено обезбедување на вакцини за корона, скок на сметките на струја заради домашната енергетска катастрофа, во време егзодус од 215.000 работоспособни лица од Македонија, и во време на најголемата економска катастрофа, двоцифрена инфлација, функционерите на СДСМ и ДУИ делат 5 милиони евра од буџетот за луксузи за службени возила. 5 милиони евра во катастрофа, за Оливер Спасовски се вози во луксуз додека се печатат пасоши на мафијаши. 5 милиони евра за возило и луксуз за Ариф Асани, заменикот на БЈБ, што го извади пукачот од Чаир. 5 милиони евра за луксуз наместо за вакцини за корона. 5 милиони евра за службени коли наместо одржување на РЕК Битола. 5 милиони евра при катастрофа за сите во Македонија, освен за функционерите од СДСМ и ДУИ- рече Стоилковски.

Според него, СДСМ и ДУИ со закани и притисоци задушуваат протести на воспитачи во градинка, учители и наставници во основно образование.

– Ги излажаа синдикатите дека ќе ги зголемат платите. Сега одбиваат антикризни мерки за намалат акцизи и ДДВ за горивата и за храната, народот тоне во сиромаштија, ама СДСМ и ДУИ троши милиони евра за сопствен луксуз, за службени луксузни возила! 5 милиони евра и тоа се плаќа со повисоки акцизи, со даноци на горива,нао струја и на храна. Затоа СДСМ и ДУИ се против намалување на акцизите и данокот, за да има за луксузи за власта.

Тој ги повика граѓаните да се придружат на протестот за промени, кој ќе се одржи на 18 јуни во 20 часот пред зградата на влада.