НАДАЛ ИМА КОРОНА, НЕМА ДА ИГРА НА АВСТРАЛИЈА ОПЕН Дома сум, закрепнувам во карантин
Надал долго време беше на пауза и јавноста го немаше видено уште од турнирот Ролан Гарос, така што двата меча во Абу Даби беа изненадување кое сепак заврши со пораз.
Сè поизвесно е дека на претстојниот Австралија опен нема да го гледаме славниот Рафаел Надал. Само чудо ќе направи Шпанецот да пристигне и да игра во Мелбурн, бидејќи се разболел од коронавирусот, а тоа денеска тој го потврди на социјалните мрежи:
„Сакам да објавам дека бев тестиран по враќањето дома од турнирот во Абу Даби и дека мојот ПЦР тест беше позитивен. Поминувам низ некои не баш пријатни моменти, но верувам дека чекор по чекор ќе закрепнам. Сега сум дома во карантин, за резултатот од тестот ги информирав сите луѓе со кои контактирав“, напиша Надал кој бил тестиран веднаш штом слетал во Шпанија.
🚨 ÚLTIMA HORA
🥎 Rafa Nadal anuncia que ha dado positivo en COVID-19
🗣️ “Tras disputar el torneo de Abu Dhabi, he dado positivo por COVID en la prueba PCR que se me ha realizado al llegar a España”
🎙️ Informa @PedroFullanaSER pic.twitter.com/HvOBpgPOpJ
— Carrusel Deportivo (@carrusel) December 20, 2021
Процедурата е јасна, Надал мора да биде во карантин и да мирува, без тренинзи.
„Како последица на оваа ситуација ќе морам да бидам тотално флексибилен со распоредот. Ќе ги анализирам опциите во наредните денови и ќе ве информирам за одлуките што ќе ги донесам во однос на турнирите“, истакна тој.
Надал долго време беше на пауза и јавноста го немаше видено уште од турнирот Ролан Гарос, така што двата меча во Абу Даби беа изненадување кое сепак заврши со пораз.