На плажа во Италија само со резервација преку апликација
Луѓето чекаа во редови за пристап до јавните плажи во околината на Џенова дури и пред девет часот наутро
Местата за капење низ Италија беа полни за време на првиот летен викенд, а пристапот до многу јавни плажи беше неопходна резервација преку дигитална апликација бидејќи бројот на посетители е ограничен заради мерки на социјално дистанцирање со цел да се спречи ширењето на коронавирусот.
Луѓето чекаа во редови за пристап до јавните плажи во околината на Џенова дури и пред девет часот наутро, а апликацијата за резервација „Spiaggiati“ покажа дека многу градски плажи беа без слободни места во недела, во првиот ден од летото.
Многу семејства кои немале пристап до јавни плажи, веруваат дека ваквите мерки го загрозуваат правото на сите за пристап до јавните плажи, особено по тримесечните строги мерки воведени за борба против коронавирусот.
– Со две деца кои треба да бидат подготвени и облечени, невозможно е да се напушти (куќата) во осум часот наутро. Се откажавме од денот на плажа, која станува лов на слободно место и веќе не е задоволство – рече Силвија од Џенова.
Италија е првата европска земја што воведе драстични карантински мерки на целата територија на почетокот на март и излезе од блокадата по скоро три месеци со постепено олеснување на рестриктивните мерки.
Од 3 јуни, истовремено во Италија се отворија регионалните граници и пристигнувања од ЕУ и Шенген-земјите.