📽️ НАЈМАЛКУ 8 ЗАГИНАТИ ВО НОЌНИОТ УДАР ВРЗ КИЕВ Луѓе останаa под урнатините, оштетени се болница и училиште
Најмалку 33 лица биле повредени, додека спасувачите пребарувале низ урнатите објекти. Илјадници потрошувачи останале без струја, а автомобили гореле крај оштетената детска болница.
Најмалку осум лица загинаа во синоќешниот масовен руски воздушен напад врз Киев и околниот регион. Уште 33 биле повредени. Спасувачите бараат луѓе заробени под урнатините.
Станбени згради и магацини биле погодени во текот на ноќта. Оштетени биле и детска болница и училиште. Спасувачките екипи успеале да извлечат двајца преживеани од урнатините, јавува Би-Би-Си.
Градоначалникот на Киев, Виталиј Кличко, соопштил дека експлозиите искршиле прозорци на детската болница. Во близина гореле автомобили.
Еден човек загинал во областа Бровари, во поширокиот регион на Киев. Друг бил ранет, соопштил регионалниот гувернер Тимур Ткаченко.
We’re under russian attack. My neighbor screamed, “F**k! Nobody shoots them down!”
It seems like we have no interceptors at all.
📍Kyiv, Ukraine pic.twitter.com/w39Cuh77jr
— Victoria (@victoriaslog) August 19, 2026
Делови од Киев потонале во темнина
Нападите ја оштетиле и енергетската мрежа. Илјадници потрошувачи останале без струја, додека екипите работеле на отстранување на дефектите.
Украинските власти во текот на ноќта повеќепати ги предупредувале жителите за ракети што се движеле кон главниот град. Луѓето се засолнувале под земја додека низ Киев одекнувале сирените.
Русија тврди дека целела фабрика за компоненти за дронови и складиште за муниција во Киев. Би-Би-Си навел дека не можел независно да ги потврди тие тврдења.
Yet another horrific night for Kyiv.
A massive Russian attack killed 12 people and injured 33 more.
Several districts of the city suffered extensive damage. Residential buildings, a school, a children’s hospital, warehouses, vehicles, and other infrastructure were hit.
📹:… https://t.co/P6515jviwY pic.twitter.com/ErwXpggMD3
— Anton Gerashchenko (@Gerashchenko_en) August 20, 2026
❗️I am in shock, a barage of ballistic missiles just hit Kyiv, 8 more Kalibr cruise missiles are about to impact, ETA: 15-30 minutes.
Please if you are reading this: SEEK SHELTER!!!
You don’t have to die tonight 🫂
PLEASE, just this once, seek shelter. pic.twitter.com/Wdd9vH3KlT
— Richard Woodruff 🇺🇦 (@frontlinekit) August 19, 2026
Дрон во Романија, Полска ја крена одбраната
Нападот предизвикал тревога и надвор од Украина. Романија соопштила дека дрон навлегол околу 13 километри во нејзиниот воздушен простор кај Галац.
Леталото паднало во ненаселена област и предизвикало мал пожар. Немало жртви ниту материјална штета.
Полската војска истовремено започнала одбранбени воздушни операции за заштита на својот воздушен простор.
Киев е изложен на речиси секојдневни воздушни напади во последните недели. Според украинскиот претседател Володимир Зеленски, Русија во изминатата недела лансирала повеќе од 1.550 ударни дронови, 1.560 воздушни бомби и 62 ракети врз Украина.